By: 山の爹Posted on

「城門水塘」係一個比較近市區嘅水塘💡，亦有人叫佢做「上城門水塘」⬆，因為佢下方仲有一個叫「下城門水塘」⬇；荃灣有小巴🚐可以上到菠蘿壩，如果搭巴士🚌的話就響可風中學🚏落車再行上去🚶‍♂️；而我地今次就選擇左泊車🚗響梨木樹邨🌴商場再行上去😎

梨木樹商場好似唔係好大😅，有間大家樂😉，無麥叔叔🙅‍♂️，諗住七仔7️⃣買飯團🍙點知又好細間無得賣🤷‍♂️，連🆗都好細間🤪，最後響燒味鋪買左 $30 叉燒上去食😋廁所乾淨整潔🚻，可以清一清先出發💡
我地響燒味鋪旁邊嘅出口出👌
出左商場一路直行就會出到「和宜合道」👍，先經紅綠燈過對面馬路又得👌，沿住斜路一直上再過隧道亦得💯最後走果陣發現原來呢度前面右手邊有間大🆗🤣
如果沿斜路一直上⬆，就會見到隧道入口🕳，行落條斜路就會見到隧道↖
隧道尾轉左上樓梯⬅
見到右邊呢個分叉窿就行出去🔱➡，過埋果條隧道🕳，咁就唔需要過樓梯頂可風中學條馬路喇💡
出番地面😎，沿住一直上斜嘅「城門道」一直上就係喇😆
經過橋底🌉，上面有車經過會隆隆聲⚡，條橋係通去城門隧道嘅😁
其實會途經一啲政府停車場🅿不過未必有位同埋俾人霸晒🤐所以都係泊下面好啲啲😅
未上到菠蘿壩，就已經有🐒等住你啦🤪
上山路大約用左 30 分鐘⏱，約 1.6 公里👍，就會黎到小巴站🚏旁邊既招牌打咭位🤳
影完相📷，就可以沿住小巴站後面嘅樓梯出發啦🚶‍♂️
我地由1️⃣出發，沿住水塘邊行到去🅰再回程落番2️⃣然後返去📷影相位就走人
「菠蘿壩自然教育徑」出發🍍
🍈蜜瓜妹妹今次好叻叻，終於行到大約有一半嘅路程👏
行一陣有個位可以行落去影下相📷可以睇到一個好闊嘅城門水塘景，要呢兩隻馬騮🐒🐒合照📷，咁樣應該係最簡單🤣
菠蘿壩自然教育徑有好多郊遊位👍，可以坐下同埋食下野🌭，我地就揀左二號場✌黎坐低食我地嘅叉燒同麵飽😋，記住「自己垃圾自己帶走」喲🚯
食完野抖一陣行多 45 分鐘左右⏱，就會黎到教育徑嘅終點🤣，然後就會見到一條樓梯行上去😈
睇落好似好高😨，不過三分鐘之內必定行完🤪，你睇蜜瓜妹妹🍈都無難度😍
你嘅終點可能就係人地嘅起點🔃，睇你咩方向行唧↪↩
由於有老有嫩😅出左教育徑我地就轉左回程出番小巴站🚏，如果仲有大把貨💪，可以轉右圍水塘行一個圈🔄
一路直行，分叉路🔱都有路牌話你知點行番去菠蘿壩🍍我地響呢個位遇到啲比較大膽嘅🐒
沿途好多呢啲「蝴蝶園🦋」，可以俾你行入去賞蝶🦋，可能唔係🦋季節，無咩野睇😆
天氣麻麻地☁，勝在唔熱有啲風🌬
經過見到「龍門郊遊徑」🥅，可以行過去大帽山嘅「川龍」🐉，牌寫 7 公里7️⃣，要行幾耐呢⏱？下次有機會行完話你知🤣
每次落山都會瞓個靚覺嘅蜜瓜妹妹🍈
另一分叉路🔱嘅標示都好清楚👍，繼續向住菠蘿壩行🍍
好快就行完一圈🔄，連抖下食下野大約用左一小時五十分鐘左右👍，黎到小食亭可以食野又得🍗，廁廁又得🚻，不過團友話好濕😅，返商場去好啲💡
呢個行程無乜辛苦位😉，商場出發商場完結😁，商場上菠蘿壩🍍可能叫做辛苦啲🤪，因為無位抖全斜路同馬路邊吸塵🚌💨
頭段商場一開始就係上山，上到菠蘿壩🍍後一少段樓梯🧗‍♂️，之後行到教育徑尾尾先再有長樓梯🧗‍♂️；回程就基本上係落斜石屎路😁，唔使抖的話就好快碌番落梨木樹🌴

總結：

🔹車🚗泊響梨木樹邨🅿行上去其實都方便🚶‍♂️，$17 / 小時好過違泊✖

🔹除左揸車🚗，當然仲可以搭小巴🚌上去啦👍

🔹沿途都有可能出現馬騮🐒，千其唔好手持背心袋、環保袋👜，見到馬騮都唔好意圖或企圖伸手入袋摷野😏，感覺如果攞住行山神掍馬騮無咁放肆😎

🔹呢個行程可以講係 BB 級👶，但不能用 BB 車🛒

🔹進階人仕可以圍住水塘行個圈🔄

🔹難度：⭐ (5⭐為最難)

Categories: 一星 (簡單、易行) 新界西

發佈留言

發佈留言必須填寫的電子郵件地址不會公開。 必填欄位標示為 *