【屯門】藍地水塘、屯門徑、彩虹欄杆橋

去位於新界西嘅藍地水塘有好多唔同嘅路徑，康文處有介紹其中一條路綫叫「屯門藍地尋妙法」；而好多屯門友都會由何福堂上山，再經屯門徑行過去；不過我地今次就剛好相反，由兆康🚝呢邊出發，行返過去屯門徑，事關之前行過一次何福堂上山，果 D 樓梯都幾係野🤣去到西鐵兆康站，可以去個洗手間🚾，仲可以去便利店補給一下🍙🧃，然後就可以出發啦😎

我地就選擇左 F 出口(因為佢寫住係去嶺南大學)，先行天橋橫過屯門公路，再沿行人路上天橋過去嶺南大學，經過大門口再行前少少就到左富地路，左轉⬅入路口繼續行！

過左「虎地上村公廁」，行右手邊↗個路口，開始漫長嘅上斜路🏔！

一行人大約行左 45 分鐘左右，終於到達第一個 CHECK POINT – 「虎地燒烤場」，大家可以坐低抖一抖，小朋友就需要食 D 零食，大朋友就要坐下飲下水。黎到燒烤場就見到好多人，九成人都係由山上面落黎，應該係由屯門徑果邊過黎吧🤭而虎地燒烤場亦係「虎地郊遊徑」嘅起點🆙

休息過後，向第二個 CHECK POINT 進發，沿住斜路一直走落去，大人腳程快應該十分鐘左右就到😉我地腳程慢，行左成二十分鐘先到😜落到車路盡頭，右手邊會有個路口轉行山路梯級💡

到達「藍地水塘」啦🎉，聽聞以前係一個灌溉水塘🚿，依家估計應該無用了🤷‍♂️！水塘堤壩兩邊欄杆係有好大個窿果款，如果帶小出友黎就要小心看管住喇💡

我地就影左一輪相，起程去下一個地標 – 「屯門徑彩虹橋」，亦實佢應該叫做「彩虹欄杆」，我就叫佢「彩虹欄杆橋」啦，實無死😜！由於唔想行回頭路上番斜路去虎地燒場，我地選擇左由虎地郊遊徑另一個出入口行番上山🤣呢段上山路全段都係沙石路，再加尾段一堆梯級😅

總結：

🔹路本身唔難行，只係我地選擇左行一條長啲嘅路綫😄

🔹行到水塘唔想再行，響堤壩尾落番藍地係唔錯嘅出路😉

🔹水塘走回頭路上番燒烤場駁屯門徑落若夢園咁過彩虹欄杆橋應該行少兩個鐘左右✌

🔹行果日唔算好熱，頭段都無乜太陽，所以唔覺得話好辛苦😎

🔹上左虎地郊遊徑就無退路，要硬食去到屯門徑先有得走💡

🔹難度：⭐⭐⭐ ( 5⭐為最難 )