如果你好想行山⛰️,但係又怕交通不便🚈、怕行太耐⏱️、怕無景🏞️、怕無難度太悶🥱等等,「淋坑山 ⛰️ 」幫到你😉

有天水圍後山之稱嘅「淋坑山 ⛰️ 」當然係位於新界西嘅天水圍啦😆,高度大約係 68 米(跟據 GOOGLE 同手錶睇到嘅高度💡),網上亦都有說法係 81 米📈,都無所謂啦😌,總之就即係「唔係好高🉐」,都適合一家大細👨‍👩‍👧‍👦兩小時🕑左右嘅行山行程🧗🏻,成年人的話應該一小時🕐來回無難度 😉

區內人就自己識搵方法去到輕鐵🚋「天逸」或「天富」都可以,區外人就可以搭西鐵🚈到天水圍站轉輕🚋鐵 706 去呢兩個站 💡 ,途經嘅天秀路係響正兩個站嘅中間🀄,今次我地就響「天逸」出發🆙,「天富」走人🏁!天逸的話要過多一條馬路☝🏻
天逸落車後🚶🏻‍♂️,先過對面馬路⬆️,然後轉左⬅️, 💡 由於沿途並無任何洗手間🚻如果需要請先行到附近天澤商場解決😊如天富落車可到對面體育館😁
沿住行人橋底行🌉,前面打橫↔️呢條就係「天秀路」,左手邊有堆樹🌳前少少就係「天富」站🚋;行到去馬路邊,會有條轉右嘅行人路➡️,轉入去行一段仔路就有路口過馬路對面🆗
就係要響對面馬路行過呢邊🚶🏻‍♂️,如果天富落車就過少呢條馬路💡
過完馬路右轉➡️,向山邊方向一直走⛰️
行無耐會經過香島中學🏫,繼續直行過橋⬆️
過完橋就會見到天影路,依交通燈號🚦過對面馬路🛣️
過完橋都係轉右➡️,沿住馬路邊行人路一直走🏃🏻‍♂️
我地係星期五下午三點左右🕒,條路唔算多車🚗,都唔算大沙塵🆗
由輕鐵站🚋行到呢個路口,HEA 住行大約 15 分鐘⏱️,左轉入去⬅️
行前少少就會見到分叉路↔️,向前行⬆️會係觀音廟,我地要轉右➡️
轉完右有個貨櫃📦,佢右手邊會有個路口仔行入去💡,當然呢個貨櫃會唔會有一日無啦啦消失左呢就真係話唔埋😌;之前上網睇過好似話有個大空地泊旅遊巴🚌,不過我今日見佢好似封左鐵欄🚧
行左入去會見到右前方↗️有棵樹🌳,樹後面就係上山嘅路🆙
沿途上山都係沙石路🧗🏻,無扶手無石梯😌,不過都唔算難行🆗,只要小心就可以⚠️,兩位小朋友全程都係自己行👍🏻,斜路就拖實👫🏻,一樣攪掂✌🏻途中有一條好明顯嘅石路打橫分叉↔️,如果覺得好難行的話分叉路可以右轉➡️,行番平小小嘅路🤏🏻,不過就可能會遠左啲啲🤏🏻,同埋尾段都係有少少沙石樓梯要行😆
由於只係剛出發無耐💪🏻,我地一行人都係繼續向上走沙石路👌🏻,過左草堆好快見到開揚景🏞️
差不多山頂了🤏🏻,由路口行到黎呢個影相位📸,大約用左 15 分鐘時間⏱️,高度約 54 米⛰️,作為一個小挑戰💪🏻上山全程行呢條路綫都OK🆗呢度可以遠眺「深圳灣大橋🌉」,後面當然就係大陸🇨🇳啦☺️呢個位向西🧭,影日落一流🌄,不過未到日落影人相就背晒光喇😅
呢個影相位📸係一個比較廣闊嘅地方,有棵樹🌳下面仲有張凳仔🪑可以抖下😌相信係晨運客放響度嘅🌅
響影相位遊走,就要注意小心跣親⚠️,因為都係沙石地😏
向北面望🧭,當然都係北望神洲🇨🇳啦,仲會見到「雲浮仙觀」🏠
標高柱一號☝🏻,約 56 米,影相留念📸
影完一輪相📸,繼續努力往標高柱二號進發🚶🏻‍♂️ (標高柱一二號乃個人決定🤣)
一分鐘唔使就會去到分叉路↔️,前面左右兩條路係通去同一地方😆,行左邊↖️!
而呢個空地嘅左手邊⬅️都有條路,係行去前面「觀音山⛰️」嘅,由於今日遲出發⏱️,我地驚過左去趕唔切日落前落山🌄,所以今次程無行到過去😌,有興趣又有貨嘅朋友可以試一試💪🏻
小朋友勁鍾意行呢 D 路😌
不出三分鐘⏱️,就會到達標高柱二號嘅空地📸
山の恐竜🦖哥哥 同 山のメロン🍈妹妹💖
有幾個窿可能係要黎儲水灌溉🌱,住左好多蝌蚪🐸
天水圍後山回望天水圍⛰️坐陣影陣相📸,開始我地落山嘅路啦🆒由路口開始計,HEA 住行邊影下相黎到二號矮標高柱大約係一個鐘⏱️
唔需要走回頭走🔄,標高柱旁邊就有落山嘅路↘️,如果上山時果個分叉路你轉右無直上➡️,就會變左由呢條路上山去喇🆙落山黎講﹐頭段梯級高低差比較大⚠️﹐有高有低,要小心行👀
呢邊落山係頭段比較難行😆,之後都係比較平嘅路👍🏻,一路行會見到有一個分叉路↔️,可以行左邊落去果個好多樹嘅位↙️,不過直去其實都可以通落同一個地方🤣
過左分叉路不出三分鐘⏱️,就會落番山腳架啦👍🏻呢度有一大片草地🌱,有人放緊飛機✈️,呢張係回望淋坑山嘅樣子📸
沿住路一直行出番馬路🛣️,就係呢個路口👍🏻,如果一開始時無轉入第一個路口入觀音廟一路直行⬆️,就可以黎到呢個路口入🆙,再山去左兜右兜😌
呢個路口勁多人就咁橫過馬路去天澤邨🙅🏻‍♂️,就緊記⚠️「交通規則要遵守,全安第一命長久」,雖然佢無乜車行😆
回程都係沿住黎果條路走🏃‍♂️,過完香島中學一直走唔使過馬路🙅‍♂️,街尾轉個右➡就會見到天富輕鐵站🚋🏁
行程大約 3.2 公里 👍🏻 ,HEA 住行又抖下又影下相📸用左大約 2 小時🕑,順時針行或逆時針行都可以👌,唔想行太多上山沙石路可以第二個✌路口上⛰,山頂兜個圈落返黎🔄,地圖所見山上支路四通八達↕↔,小心迷路😆,不過我地星期五下午去都有若干人行👌,相信接近日落會較多人🌅,估計唔會迷路😉

總結:

🔹 起點終點都有鐵路到達🚋,交通方便👍

🔹 山路上山中途可以向右行➡,離開比較斜嘅山路👌

🔹 山上路綫四通八達↔↕,但相信點兜都好易上到兩個標高柱🤭

🔹 有時間可以經支路過觀音山👍,估計用多一個鐘左右 ⏱️

🔹 沿途基本上都無乜陰頂🌞,如果日落時間怕曬可以上落都用遠少少果條路😆,因為有個山擋住太陽⛰

🔹 難度:⭐⭐ (5⭐為最難)

發佈留言

發佈留言必須填寫的電子郵件地址不會公開。