踏入十一月🗓️,千呼萬喚嘅大棠紅葉🍁又成為左一眾行山人仕嘅目標🎯,大棠山道又再次人山人海👥,不過我地今次唔係去睇紅葉🍁,而係去附近一個都好多人去嘅地方「千島湖清景台🏝️」

要入大棠,不外乎千色🛍️搭大棠紅色小巴🚌,搭 K66 巴士🚌,十一二月仲會有紅葉專綫🍁,呢幾個途徑落左車都要行上山🚶🏻,大約要行 20-30 分鐘左右⏱️,如果你係食完午飯出發的話🍴,我會建議搭車入去🚌;而我地今次見早早地🕙就自駕去大棠,果邊有個停車埸🅿️,不過車位唔算好多😅,如果真係要渣車黎的話🚗,最好十一點前到達🕚,比較易等位🆗,因為第一轉晨運客差不多時間離開😌;如果遲過十一點到達😆,我都會建議你車泊元朗再搭車入黎😁,以免無位泊浪費時間😉
路口有個更亭👮🏻‍♀️﹐右手邊斜路就係入口➡️,無論紅葉🍁定千島湖🏝️,都係斜路行上去🆙
行幾分鐘大約 500 米左右,會見到左邊有路口燒烤場🔥,呢度有個亭同廁所🚻 (亭左邊嘅建築物🏠),有需要就呢度解決😉;山上都有一格流動廁所😆,咁多人流得一格,可想而知我清況係幾咁理想🤪
離開燒烤場🔥繼續行,左手邊會見到「大棠自然教育徑☘️」嘅入口,有興趣可以行上去再響前面出番黎✅,我地選擇回程先行下😁
頭段完全係石屎馬路🛣️,不時會有車經過🚐,亦因為呢度係越野單車徑🚵🏻‍♂️,時不時亦會有單車經過🚲,行嘅時候就要留神喇💡
需然未到「楓香林🌳」,但係途經都已經有幾棵楓樹有紅葉睇下🍁
🚥紅黃綠葉🍁
由燒烤場黎到分叉路↔️,大約 1.3 公里,我地腳程慢行左 30 分鐘⏱️;分叉路左邊⬅️就係去「楓香林🌳」睇紅葉🍁嘅,有格流動廁所🚻,一直行會落到吉慶橋有個空地,都有幾個流動廁所🚻
楓香林方向,紅葉🍁會比較集中一點,同埋成條路都係人👥
而我地今次嘅行程係千島湖🏝️,所以向右邊方向行➡️
頭段都係石屎路,少上少落咁,唔會太難行😌
會經過有間佛祖廟🕍
廟旁邊有條通道寫住往「大棠谷」🕳️,應該係落番大棠生態園果邊,門牌係「伯公坳」😆,背後亦有支路行落去大欖涌水塘吉慶橋果邊☺️
行下抖下,由分叉路行到呢個空地約 800 米,行左 20 分鐘⏱️
山の恐竜🦖哥哥行得比較快🏃🏻‍♂️,搵左個樹頭坐低等妹妹😌,而山のメロン🍈妹妹邊行邊玩🤪,又執樹枝又執石仔🪨咁,拖長左個行程 (手上枯草🌾係響地下執嘅,請勿亂摘花草)
休息完一陣💪🏻,就到今日重頭戲😆,指示牌話 1.4 公里就到「千島湖清景台」😌,而之後嘅路全部都係山路⛰️,由梯級開始🆙
山の恐竜🦖哥哥已經開始覺得梯級無難度💪🏻
行幾十分八分鐘⏱️,就會經過關帝廟,門前有匹「赤兔神駒」🐴
依住指示牌🪧,繼續上清景台,仲有 1.1 公里,後面嘅支路係通去大欖涌水塘😄
過左關帝廟🛕,基本上都係上行山路🆙,無乜樹蔭☀️
山路之餘仲有梯級😁
經過一個電塔⚡,見好多人咁影我又影下📸
山のメロン🍈妹妹:仲要行幾耐啊😵‍💫
山の恐竜🦖哥哥:乜你地咁慢架🏃🏻‍♂️
我地行左大約 30 分鐘⏱️,就到達清景台嘅入口啦🥳,唔講你都唔信,目測入面估計有一百人😱,仲有一班後生仔開勁大音響聽歌🤬,佢地都無諗過其他人想唔想聽🙄,細細聲自己聽我其實都可以接受囉😌;除左由大棠過黎,亦都可以由屯門掃管笏上黎,下次有機會試下😁
到此一遊打咭位📸,你睇下右手邊人頭湧湧😅
我地都迫埋去影幾張相就離開📸,因為實在太多人😅,又無乜陰頂位可以抖下☀️
因為我地泊左車🚙,所以沿路回程↩️,如果搭車黎的話不防可以試下屯門走,果邊影色都唔錯架👍🏻
其實凳係要黎坐嘅🤬,唔知點解有 D 人個 PAT PAT 生響腳底💩
沿原路回程,話咁快又見番果幾棵路邊紅葉🍁
過左紅葉🍁前少少,就會見到有指示牌🪧,可以入去自然教育徑🚶🏻‍♂️,留返回程行係因為小姐友開始攰😴,俾少少挑戰佢地就精神晒😍,行自然教育徑同下面馬路嘅路程其實差唔多🤏🏻,只係多左上山同落山動作,同埋無乜人,空氣又新 D👍🏻
其實段路都係行 10 分鐘左右⏱️,見到分叉路按指示去大棠巴士站就唔會迷路🚌
話咁快就會見到出口🥳
記得呢個牌嗎?出發無耐就會經過✌🏻
行完再去燒烤場方便一下完成今日嘅行程🏁,旁邊有個位可以望番落去元朗👍🏻
泊車起計🚙,全程大約8️⃣公里,泊車 <> 燒烤場約 500 米,燒烤場 <> 山路入口約 2 公里,山路到清景台約 1.5 公里,單程 4 公里,來回就係 8 公里,我地三歲嘅山のメロン🍈妹妹最慢腳程行左 4 小時🐢,估計五歲山の恐竜🦖哥哥約需 3-3.5 小時🐵,成年人 2-2.5 小時可以完成😁

總結:

🔹 早起的鳥兒易等位🅿️,遲起的鳥兒請搭車🚌

🔹 紅葉🍁季節 11 月到 1 月🗓️,大棠山路假日會超多人👥,想細心欣賞建議平日黎📆

🔹 腳程🦵🏻快可以紅葉🍁+千島湖🏝️

🔹 可以大棠入屯門走或相反方向↔️,唔使走回頭路😁

🔹 沿途無補給🙅🏻‍♂️,請帶齊糧水🍙🍔🍎🧃記住帶走垃圾🚮

🔹 自然教育徑路段簡單易行👍🏻,可遠離人群😌

🔹 旺季會有泥鯭 VAN 落西鐵站式千式😌

🔹 難度:⭐⭐ (5⭐為最難)

發佈留言

發佈留言必須填寫的電子郵件地址不會公開。