相比起平時地下靚靚又有休息位嘅家樂徑🌹,「蠔殼山🐚」就完全唔同喇😌!佢係真真正正嘅「行山🧗🏻‍♀️」,上山沙石山路加少許梯級🪜,落山沙石路有啲位要瀡住落⛷️,如果親子想挑戰一下的話簡簡單單黎講都可以一試☝🏻!當然最好都要有基本行山概念唔好一下子就去行呢種山路山啦😉

要上蠔殼山🐚,首先搭西鐵去到元朗站🚈,再由 H 出口出🚶🏻‍♂️,落樓梯得轉左手邊行⬅️
一路直行⬆️,就會見到「元朗市東社區會堂」🏢,繼續向前行⬆️!
去到街尾🔚,滙合埋隊友👶🏻,見到單車徑就向右行➡️
再沿單車徑🚲一直走到盡頭🔚見到馬路🛣️
然後轉左⬅️捐山窿🚇
捐完山窿會有個路口響左邊⬅️,行上去經博愛迴旋處🔄過對面馬路🛣️,如果唔響呢個位過對面,一路直行新港酒店🏨都會有行人天橋🌉可以過到對面 🛣️
響博愛迴旋處兜個圈🔄,遠望右手邊係朗善邨🏘️,後面個山頂⛰️果棵樹🌳就係我地今次嘅目的地⛳
兜返落黎後轉右➡️繼續直行🚶🏻‍♂️,頭先就係響對面上迴旋處架啦😎
行無耐就會見到有條行人天橋🌉,如果頭先唔經迴旋處過呢邊,就可以經呢條天橋🌉過黎,我地回程先經佢過對面👍🏻
再繼續向前行🚶🏻,先會經過油站⛽,再有一條馬路🛣️,呢條馬路就係去朗善邨🏘️嘅,回程嘅時候就係響呢度出番黎喇✅
經過「東城里」巴士站🚏,就留意右手邊➡️會有個路口仔開始上山🆙,你亦可以直接搭車黎到東成里巴士站🚏 (呢個係往元朗方向⚠️往錦田方向個東成里站🚏係響新港酒店🏩落車),就行少西鐵黎到路口嘅1️⃣公里,至於搭咩巴士🚌就上網搵搵👀,不外乎 64K 同埋由錦田過元朗果堆巴士🚌,巴士綫成日轉上網搵搵最穩陣💡
認住呢個渠口🕳️,上山路就響佢旁邊🆙,西鐵站過到黎約 1 公里,我地行左 20 分鐘⏱️
出發🎬!上山路段有不少呢啲修葺過嘅沙石梯級🪜
小朋友👦🏻👧🏻反而好鐘意呢啲路🪨
行左太約 15 分鐘⏱️,開始見到開揚景觀🖼️,同時亦都開始迎來無樹蔭嘅路段☀️
兩歲細佬 B 👶🏻亦都一齊挑戰玩佢老豆👨🏻‍🦱
山路確係有少許崎嶇😧,行之前真係要衡量一下📏,有行山棍會好一點🧗🏻‍♀️,不過山の恐竜🦖哥哥同山のメロン🍈妹妹都係一支箭咁標左上去🔝
加油啊🎌,就到啦⛳
終於功頂啦⛳,我地由入口黎到山頂⛰️,用左 30 分鐘⏱️
山頂有標高柱⛳,蠔殼山大約 135 米高🔆, 山の爺爺👴🏻同嫲嫲👵🏻都有同行,登左頂梗係要休息下🪑
朗善邨 (最近蝦肉色果堆)、博愛醫院 (右手邊白色果座)、博愛迴旋處 (醫院隔離)、形點 (啡色果堆)
南生圍 (左手邊堆草地)、錦繡花園 (前面堆屋仔)、再遠 D 就係大陸
爾巒、峻巒同後面雞公嶺
山頂標高柱 (俾堆人檔住左) 旁邊有個小神廟⛩️,寫住「福德宮🛕」,仲駁住兩盞太陽能射燈💡,可能入夜後佢會開燈💡都唔定😌,廟後面棵樹🌳就係頭先山腳望上黎山頂望到果棵🌳,成個空地只有一棵樹🌳遮陰,上山嘅路口就係響標高柱果邊↗️,而落山就係響上圖左手邊有個路口↙️
落山頭段相當崎嶇😨,有啲位可能要用手扶住地下😵‍💫,帶手套就無咁易受傷👍🏻,或者有行山棍都有幫助👍🏻,細膽少少可能要用埋 PAT PAT 落地呢招😆,路正崎嶇不過唔漫長😌,一段仔大約瀡 5 分鐘體驗下⏱️,之後嘅路你就會覺得無難度🈚
瀡完又係一條好漢🤓,繼續沙石山路🤪
兩旁啲樹🌳同草🌱仲高過人🤣
沿住條路一路走🏃🏻‍♂️,如果你有氣有力💪🏻,可以繼續一直走,去埋「掌牛山🐮」,不過我地今次行程唔去咁遠啦😆,小試牛刀就算🤏🏻
離開山頂大約行 40 分鐘左右⏱️,就會開始見到有一啲祖墳🪦,呢個時候就可以留意下右手邊➡️會有個路口,啲草🌱俾人踩扁晒嘅,唔使驚勇敢啲行入去🚶🏻‍♂️就得🉐
俾人路扁左嘅草🌿路,沿途都會經過不少祖墳🪦,有路有梯級🪜,相信係祭祖時候行嘅路,所以係唔會迷路的😁
不出 10 分鐘⏱️,就可以行完呢條祭祖路😉
落到馬路向右行➡️,一直走⬆️,沿途我地響樹上面仲見到有松鼠🐿️添😍
沿住條路一路行🚶🏻‍♂️,大約 20 分鐘⏱️,就會落到去「朗善邨🏘️」,呢度好似只有一間 U 購同🛒銀龍🍽️,可以補下水或者食個下午茶🍽️黎完結呢個行程🏁之後可以選擇行番落路口再返西鐵站🚈,又或者呢度有小巴🚌返去元朗市中心🏢
西鐵站🚈行到上山口約1️⃣公里 (我地用左 20 分鐘),整段山路約2️⃣公里 (我地行下抖下用左 2 個鐘),朗善行番去西鐵站約 1️⃣ 公里 (都係 20 分鐘左右)!因為我地最後去左銀龍食下午茶🍽️,所以無再記錄落去😋

總結:

🔹 路正崎嶇不過不漫長😌,可小試牛刀🔪,兩公里黎講唔算長🤏🏻

🔹 山上 90% 時間暴曬☀️,有需要就做好防曬🧴

🔹 帶定行山棍比較好🧗🏻‍♀️,如帶定手套亦可🧤,唔係就帶定包濕紙巾抹下手🧻

🔹 如果唔轉落朗善邨🏘️,可直行經掌牛山🐮落去錦上路西鐵站🚈或大欖轉車站🚌

🔹 沿途完全無補給🙅🏻‍♂️,有咩出發時形點做晒佢🚻,途中只會經過一個油站⛽

🔹 朗善邨得 U 購🛒同銀龍🍽️,睇唔啱可以行返形點或者搭小巴🚌返元朗市🏢

🔹 難度:⭐⭐ (5⭐為最難)

發佈留言

發佈留言必須填寫的電子郵件地址不會公開。