北潭涌」⁉我細細個就聽過呢個名喇🤣小學旅行嘅聖地,逢假日都有好多人經北潭涌出發去唔同嘅地點,萬宜水庫、太墩、斬竹灣、黃石碼頭、麥理浩徑等等,全部都唔係咁啱我地帶住一個兩歲半同一個五歲嘅人仔行🤣所以我地選擇左條最輕鬆嘅路綫 – 北潭涌家樂徑🚶‍♂️

首先,去北潭涌嘅方法可以係響西貢搭巴士、小巴🚌,當然可以搭的士🚖對於我呢啲帶著小孩的阿叔黎講,當然係自駕比較方便啦🚗北潭涌有好大個停車場🅿,當然都有好多車啦🏎,要有位泊,一係晨咁早黎霸位🌞,一係碰運氣😁,但係跟據經驗🤪,總有啲時間係機會大啲嘅💡,就係十一點零🕦至十二點零🕧果啲時間,因為行晨運山嘅人完成左要去食飯🍚,而食完飯先入黎嘅人又未到🍔,呢段時間係比較易有位,我地去果日係星期六,十二點🕛左右去到,等左十五分鐘⏱就泊到車了✌

泊好車🅿,行去小食亭附近有廁所🚻同埋呢個影相位📷,趁無人可以影幾張靚相。(回程時有一班單車友🚴‍♂️為左唔想自己架單車曬到太陽,泊晒啲車響陰頂牆邊🚲,應該無人可以再影到呢啲相了🤷‍♂️,感覺好似自私左少少囉😠)
攪掂晒所有野👌,響廁所🚻旁邊路口行出去旅遊巴🚌停車場🅿,再行到尾就會見到北潭涌家樂徑嘅入口架啦👍(由於家樂徑內有好多燒烤區🔥,橙色網係話燒烤場因疫情關閉🙅‍♂️,大家記住守規舉唔好燒烤喇😁)
一開始就係上樓梯😨,不過唔使驚😁,好快就會上完🤣,沿途只要跟住「鯽魚湖🐟」個牌行就得架啦👍
行左一陣就會有分叉路🔱,右手邊係去燒烤場嘅🔥,疫情關係已經封左🙅‍♂️,行有公廁嘅🚻左手邊⬅,如果無疫情仲會有加水站🥛
由於有好多燒烤場,所以有好多休息位,響山林之間嘆下 … 麥當奴🍟🍔雖然場內都好多垃圾箱♻,不過我都建議大家「自己垃圾自己布走」,減輕清潔工人嘅工作😉呢個燒烤場有舊好大嘅石,🍈妹妹同🦖哥哥話要影下相📷
飲飽食醉,繼續跟住「鯽魚湖」指示牌前進😉
呢日唔係好曬🌥,所以都幾舒服👍,全程大約八九成都有樹陰🌴,就算好晒都應該可以接受嘅😁
又有另一個分叉路口🔱,呢個路口係去「斬竹灣🔪」嘅,留番下次先挑戰🤪,我地繼續向「鯽魚湖」前進🚶‍♂️
話都無咁快,就迎接落山嘅路🤪
我地連埋休息食野,用左大約一小時二十分鐘左右⏱,到達家樂徑嘅出口啦✌
出口即係入口,北潭涌家樂徑順利完成😉途中會有幾個分叉路🔱,其中一個係去「榕樹澳」🌴
出番馬路,轉右手邊➡,沿住行人路一直行Z難明沿途會有「鯽魚湖公廁🚻」,仲有垃圾站♻可以將頭先帶走嘅垃圾處理左,繼續行出到路口再轉右➡,就可以順利行番北潭涌停車場架啦🔄
廿落到黎天色開始清番有太陽🌤😅
整條北潭涌家樂徑連埋行番去停車場大約2.5公里,我地用左一小時四十分鐘👍絕對適合一家大細行👨‍👩‍👧‍👦,BB級嘅行山路線👶
全程大部份都係易行嘅山路,少少梯級唔算難行,少少上少少落,最高點都只係45米,完全唔覺得辛苦,假日揸下車行個圈係一個唔錯嘅選擇!

總結:

🔹千其唔好亂拍車🅿,假日好多時有人抄牌💸,我去到果陣啱啱全場抄晒😁

🔹把握住晨運山客走人同飯後遊人未到嘅時段,等位快好多😉

🔹小食亭有飲品魚旦燒賣出售😋,回程嘅對面馬路仲有間士多👍

🔹BB級嘅行山路線👶,唔好行錯去太墩、榕樹澳、斬竹灣🤣,一啲都唔難行👌

🔹難度:⭐ (5⭐為最難)

發佈留言

發佈留言必須填寫的電子郵件地址不會公開。