多得賽馬會🐴嘅「童亮同玩親子盒」👨‍👩‍👧‍👦,介紹左六個唔同既景點🏛,而其中一個就係位於離島嘅大澳⚓,當中提及左「棚屋🏠」、「虎山觀景亭⛩」以及「大澳文物酒店🏨」,一於帶兩隻馬騮去玩下先🐒🐒

依家好多人入大澳都會由東涌轉巴士🚌入去,既方便又唔使就時間⌚攪到越黎越少人搭船⛴,對於住響新界西嘅我地,當然要試下由屯門碼頭⚓搭船過大澳啦,呢條航線由富裕小輸營運,來往屯門碼頭、東涌、沙螺灣同埋大澳,日日有船⛴,星期六日同假期仲會有加班船添,詳情請參考「航班表」💡

輕鐵🚋或巴士🚌都好,黎到屯門碼頭總站落車,🚶‍♂️行出海邊就會見到碼頭售票處🎟
上船嘅碼頭,如果快船🚤,就係最左手邊果款細船;如果係大船⛴,就會係綠色呢款船
是日星期六,10:20 左右去到 11:00 嘅船船已經無晒🤷‍♂️,而 11:10 嘅加班大船仲有位😁,唯有搭11:10大船。快船同大船最大分別係時間⏱,大家都停晒三個站黎計,快船大約一個鐘左右就到大澳,而慢船要大約個半鐘💡
成人往大澳大船星期六嘅票價係 $21.6💸,小童半價,三歲或以下記得問佢攞「小童免費乘船証」🆓;如果你只係去東涌或者沙螺灣,票價會平少少🤏;坐快船、星期日及假期會貴少少🤏
準備上船,去行山當然要帶備地圖啦🗺,入到大澳都見到有人攞住相同嘅地圖🤣
開船啦,再見喇屯門👋🏼
風和日麗☀️,坐船嘅景色都唔錯👍🏼,大船因為行慢啲,大約要坐 40 分鐘先到第1️⃣站 – 東涌
過左東涌,就會見到昂平360🚡
搭巴士未必睇到呢 D 景色🏞,吹住海風,其實幾好瞓😴
東涌坐多 15 分鐘左右,就會到達另一個站2️⃣ – 沙螺灣,有幾個叔叔釣緊魚🎣
咪講笑,都幾多人落船😅,連推 BB 車嘅都有🤱🏻,唔知係返屋企定係去行山呢🤨
離開沙螺灣,繼續前行⛴,沿住「港珠澳大橋」一直走,然後會穿過橋底繼續走🌉,咁就差不多到喇
沙螺灣到大澳大約係 30 分鐘左右⏲
大澳碼頭係一個普通遊船河上船果 D 碼頭🛥,全程由屯門到大澳,慢船約 90 分鐘,我地 12:40 左右到達✌🏼
大船 = 慢船,兩層無冷氣😌不過吹住海風都好舒服🌬
一落船就會見到呢條長長嘅走廊🤭,不過我地無行過去,唔知係咩來,聽聞有野食咁囉🤪
有咩咁好望呢👀
原來呢日水退,可以見到好多招潮蟹🦀同彈塗魚🐟,上次去濕地公園預著水漲🤦‍♂️,只睇到幾條彈塗魚咋😩
出發前當然要睇定地圖啦🗺
經過售票處可以睇埋回程船期💡,可以買定回程船票🎫,不過佢要 13:00 先開門😁,我地選擇左唔買住,到時先睇下有無位,無就搭巴士囉🤷‍♂️,唔使買左要限時限刻嘛⌚
偽文青響碼頭睇地圖🤣
由於團友需要搵靚廁🚻,我地先唔過橋🙅‍♂️,直行入去再轉個右➡,行去大澳太平街公廁🚻
團友去靚廁🚻,小馬騮見到有個無人嘅瀡滑梯🎢,當堂醒晒😍
行返轉頭去巴士站🚏,要先去匯合埋搭巴士入黎嘅友👵👴,途經見到 $10 兩粒大魚蛋😍,當然要一人整番粒啦😋
匯合完團友,又飲飽食醉,大踏步走過「大澳涌行人橋」🌉,地圖叫佢做「大涌橋」 – 達成✌ (咁咪同沙田果個撞名囉🤣)
「棚屋」 – 達成✌
黎過大澳,應該無人未見過呢個落左橋嘅景色吧😎;我地嘅行程係街尾轉右➡,再兜上虎山🛤,然後再落番黎去文物酒店🏨,LET’S GO🏃‍♂️
橫水渡小廚嘅外牆🤳
沿住「吉慶後街」一直行⬆,見到創龍社⛩
特色大閘👍
去到一個分叉路有個公廁🚻,我地轉右➡,先去睇下「楊侯古廟」⛩
如果水漲的話可能個海會更靚😊,對面個山果條路,應該係由東涌經東澳古道黎大澳落山嘅路💡
「楊侯古甫」⛩
開頭見到以為佢無開放🙅‍♂️,行近啲先知原來係玄關😅,一直都有開放中🤣
過左廟,再行一陣會經過一個沙石灘📷,學校圍欄上面有提示叫你轉左⬅,然後去到有座渠務處泵房再行前少少路口轉右➡
轉右入路口,其實條路好闊,咁啱有個老伯響入面行出黎,話前面係掘頭路😨,又話自己之前黎過,上虎山條路就響附近🤔,咁啱又有班年青人行過黎,話問左人,係響一條窄樓梯上嘅💡,咁即係呢條啦😁
唔上由自可,一上就🤪 沙石斜路😆,好彩有繩借下力😝,唔係應該上唔到🙅‍♂️,對於扶老攜幼嘅我地👴👵👦🧒 大家加油啦下🤣!唯有諗「睇靚景係要有少少代價🤏」
靚景😍
代價😝
靚景😍,仲有港珠澳🌉
代價😆,都有港澳🌉
行左大約 20 分鐘😅,終於到達「虎山觀景亭」啦 🎉,達成✌
我地就係響後面果條路出黎架啦🤪,唔知係咪鋪左幾十米之後唔夠畢直💸,所以之後無再鋪石路🤣
另一邊係一條好靚嘅石路👍
一個好開揚嘅景🌁,今朝架船就係由遠處經過呢條港珠澳橋底過黎大澳架啦 ⛴!
好眼力又有帶望遠鏡的話🔭,可能可以睇到中華白海豚嘅踨影🐬
我眼力又唔好👀,又無帶望遠鏡🔭,唯有睇住呢四條白海豚先🐬🐬🐬🐬
沿路落山都係石路↘,如果經由呢邊上山的話會舒服好多😉,但係就少左一份挑戰性😏
石路,多舒服😊,其實旁邊係墳場黎⛪
落到山腳有幾棵好大棵嘅木瓜樹🌴
過左木瓜樹就會見到「少林」兩個大字😁,呢度係「香港少林武術文化中心」👊,向住佢,左手邊係上山嘅路🛤,右手邊就係「洪聖古廟」⛩
天下武功出少林👊
有一個好大嘅廣場,(廁所🚻不外借🙅‍♂️)
離開少林,向右前方行↗,去我地下一個景點,沿途都有見到好多棚屋🏠
諗咩咁頭痕啊施主🤣
我地下一個景點﹐就係「大澳文物酒店🏨」
沿楽有壁畫👍
有炮🔫
有堤壩,堤壩旁邊有廁所位🚻
行多陣就會到達今個旅程最後嘅景點 – 「大澳文物酒店🏨」 – 達成✌!佢係文物,亦都真係一間酒店🏨,其中一個特色就係呢部打斜行嘅電梯🎢
佢起動果下真係有啲唔習慣🤣,成個人飛去玻璃😜
一間酒店,當然唔少得可以 HIGH TEA 嘅餐廳啦☕🥐
仲可以捉下西洋棋♟
舊大澳警署🚔
參觀完走人,落番黎就係石仔埗碼頭⚓
龍舟🚣‍♀️
騎赙馬都可以瞓得著,好攰咩?🤣🤣🤣🤣
大澳消防局🚒,都係舊局
日落西山🌅,又係回家嘅時候🏠,響街市旁邊有檔 $25 雞蛋仔🐣,上山前排廿幾人,落到山又係排廿幾人😨,唔知係咪真係咁好食呢?最後太多人都係無排到🤷‍♂️
返到碼頭 17:30🕠,即管問下 17:40 船有無位⛴,佢話有位喎😍,咁當然二話不說齊齊買飛上船走人啦🤣,17:40 呢班直航屯門嘅快船,只係需要 45 分鐘就返到屯門碼頭👍
快船比大船貴些少,成人 $27,小童都係半價,長者 $2✌
大澳虎山一圈遊行左大約 5.4 公里👍,我地就用左大約三個鐘👌
紅格就係山路上山果部份⬆,個山其實唔高﹐最高都係 81 米🔝,只係山路崎嶇🧗‍♂️,而我地又扶老攜幼俾佢嚇左一嚇😅,行上去觀景亭大約用左 20 分鐘左右✌,沿途斜路有繩借力👍,間中有樹陰可抖抖🌴,不過團友話有好多野咬🦟,眼見都有若干小朋友同老人家行😁

總結:

🔹屯元天嘅朋友坐船去大澳係一個唔錯嘅選擇⛴,仲有長者 $2 優惠✌

🔹回程船可預售👌 (13:00 開門😆),不過就會限死左自己時間⌚但係就穩陣啲🉐

🔹虎山其實唔高🛤,只係山路上的話確係比較艱辛😷,如果上落都經少林其實好易行😆

🔹如果真係要挑戰😎我覺得山路上好過瀡落黎😉感覺安全啲💯

🔹難度:⭐[非山路上山] ⭐⭐⭐[山路上山] ( 5⭐為最難)

發佈留言

發佈留言必須填寫的電子郵件地址不會公開。