By: 山の爹Posted on

之前介紹過位於八仙嶺郊野公園嘅「鶴藪水塘🦢」，今次介紹下佢個親密朋友 – 「流水響水塘🌊」；近幾年，流水響有兩樣好出名嘅 – 落羽松紅葉🌲同港版天空之鏡📷，不過好可惜今年雨水少🌂，天空之鏡📷可能要等到六七月先再出現😆，至於落羽松🌲嘅紅葉就當然要等到冬天啦❄

同之前去鶴藪水塘一樣，揸車去到可以泊響「鶴藪停車場📍」🅿，Google Map 好容易就可導航去到👍，呢日係五月嘅某星期六，十二點半左右到達🕧，仲有五六個位可以泊車🅿！停車場後面有厠所🚻急需可以先去，唔急需可以去到流水響水塘先，大約行半個鐘左右⏱！
泊好車👌，就沿住剛才車駛入黎果條斜路進發😎，呢段斜路無乜陰頂🤷‍♂️，亦無行人路🙅‍♂️，行嘅時候要照顧好同行小朋友💡
其實條路都幾斜，不過好快就行完架喇😁
🍈妹妹行左唔夠五分鐘就已經要去搵山兜坐😆
大約行左十分鐘⏱，就會到達流水響迴旋處🔄，如果搭小巴🚌入黎就係響呢度落車行入去，行少十分鐘斜路😁過左迴旋處，沿住左邊條路行入去⬅
入左黎就係一條比較少車嘅路(呢一日黎講)😁，雖然係比較闊🤲，但係渣車黎都唔建議亂咁泊車🅿，方便自己影響到其他人就唔係幾好啦，反正都係行🚶‍♂️，唔爭在行多十分鐘啦😘
再行一陣見到閘口，旁邊有路行入去的😁
希望大家都可以愛借大自然，唔好畫石畫斜坡畫呢畫路啦🤬
一路直上轉個靚右➡，你會見到有幾個流動廁格🚻，估計係人多嘅時候備用😆，唔使心急🙅‍♂️，去到前面一落斜就會有靚廁所架喇😎
前面就係靚廁啦🚻，我地先沿右手邊個路口行入去➡
由泊車🅿行到響水響公廁🚻我地大約用左 25 分鐘⏱ 1 公里左右😎 (截圖自Google Map)
呢條小堤壩就係好多人影📷天空之鏡嘅位置啦🤣估計旺季應該唔係有呢個咁空虛嘅景況🍂
影相位1️⃣說中嘅天空之鏡📷… 乾塘版🤣相中中間徧左少少果幾棵青BB嘅就係傳說中嘅紅葉落羽松🌲，由於上半年嘅雨水比較少🤷‍♂️，所以呢個灌溉水塘嘅水位就不段下降咯⬇
影相位2️⃣見好多人都響呢張凳影相📷，如果水滿嘅時候應係幾靚嘅😍
影完一陣相📷，行番出公廁🚻，再沿住左手邊條路行入去準備行上山啦😎
「自已垃圾自己帶走」係近年成日講嘅野👍，不過山上面亦不時會見到有水樽同口罩🤦‍♂️，唔知仲要講幾耐先可以上到山見唔到垃圾呢🤷‍♂️
呢度就係流水響郊遊徑嘅兩個出入口🚶‍♂️，如果鍾意「上樓梯落斜路」就行左邊上樓梯條路⬅；如果鍾意「上斜路落樓梯」的話就響右手邊個牌行入去➡
地圖上面紅色個圈就係流水響郊遊徑🚶‍♂️，4.4 公里，話需要 2 小時⏱，帶住小朋友加一倍😆
我地選擇左「上樓梯落斜路」🚶‍♂️，開頭行都以為自己做錯決定😣，行到一半有山友話果邊上都幾係野🤩，再到自己果邊落去😮，就知道呢邊上係無揀錯🤣
無盡嘅樓梯，行左十五分鐘已經開始懷疑人生😆
有啲位影相都幾開揚📷仲可以北望神州😁
分叉路🔱跟住「鶴藪水塘」個牌行，其實都唔算分叉，因為後面係唔行得嘅😆
前半段主要都係樓梯同山路🚶‍♂️，樹陰就一半半🌴，不過呢日應該有三十四五度😝，比預計中辛苦少少🤪
又到左另一個分叉路口🔱，呢個就係可以行過去鶴藪水塘嘅路口🦢，今次就要跟「九龍坑山🐉」方向行⬆
繼續係山路加樓梯，不停上山🚶‍♂️，今次呢段上山路連平時輕輕鬆鬆鄧梓𡶶嘅工人姐姐都話有啲吃力😆
開揚景係舒服嘅😜，不過呢日真係好熱🌞🌞🌞
終於到達小休地點🤪涼亭⛩呢度應該就係郊遊徑嘅最高點🔝響涼亭食啲野，抖一陣可以繼續前行啦🚶‍♂️
我地由流水響公廁🚻行到黎涼亭，用左大約 1 小時 40 分鐘⏱多過Google預計成個鐘🤣，2.3 公里左右👍，攀升左大約 220 米嘅高度🧗‍♂️ (截圖自Google Map)
涼亭呢度有幾條分叉路🔱，我地行上黎果條可以通去「鶴藪水塘」🦢，前面果條係通去「九龍坑山」🐉，可以落番去九龍坑再過大埔💡，我地就行右手邊果條寫住去「大埔公路」嘅😎
🍈妹妹未上到涼亭已經瞓著左😴，去到涼亭放左落地再咩番上膊都未醒🤪
過左涼亭﹐基本上去到下一個分叉路口🔱都係石屎路，咪以為石屎路就無咁辛苦😈
無盡嘅斜路，鬆開手制真係可以碌落去🤣
唔知點形容佢嘅斜，只可以話好斜，斜到望住前面遠處嘅建築物會好似響天空咁🤣
🦖哥哥繼續好勁，行咁耐都無話攰👍
呢段好斜嘅石屎路我地用左半個鐘左右，就落左 160 米啦🤣仲要沿途無乜樹陰🌴，如果呢邊上應該落果陣會腳軟😆落完一輪見到呢個石牌寫住流水響水塘，落樓梯行多陣就到啦👍
山頂涼亭碌落黎我地用左 30 分鐘👍都係多 Google 50% 唧🤪全為石屎落斜斜路😏 (截圖自Google Map)
輚左落去之後大部份都係有樹陰嘅山路，都幾舒服😁
好快趣就會經過流水響營地🏕
終於落番水塘啦👍，當然要響涼亭抖下啦🤪
連埋呢一段落山山路，成個圈連休息我地用左 3 小時 15 分鐘左右✌ (截圖自Google Map)
「流水橋」🌉，行過去就可以去到落羽松🌲嘅位置
乾塘+落羽松🤣
完成一個圈🔄，又回到起點🏁
沿路行番出去迴旋處🔄
再落番去停車場🅿，有汽水機可以買野飲🧃，行遠少少仲有間士多添👍
16:00 嘅時候都成 32 度，可想而知一兩點其實真係幾熱😆 (截圖自「我的天文台」APP)
由泊車到攞車🚗，全程大約係 8 公里😁，駐車場🅿來回流水響公廁🚻各 1 公里多啲🤏，行個圈大約 4.5 公里🔄，其餘嘅就係行黎行去🚶‍♂️影下相📷嘅路程😎

總結：

🔹紅葉季節🍁揸車黎可能真係要等位🅿，亂泊應該凶多吉少🤷‍♂️

🔹山上沒有廁所🙅‍♂️，有咩響水塘公廁攪掂晒先好出發🚻

🔹流水響水塘星期六並沒有任何補給🙅‍♂️，要去到鶴藪停車場先有汽水機同士多🧃

🔹個人同團友都覺得上樓梯先會好啲😁，因為上果條石屎斜路真係勁斜😉

🔹如果水滿啲的話齋睇下水塘影下相都係唔錯選擇📷

🔹雖然乾左塘🤪，但法例話進入水塘涉水係違法行為🙅‍♂️，但係無水算唔算涉水就唔知喇😆

🔹難度：⭐⭐⭐ (5⭐為最難)

Categories: 三星 (需要一定體力) 新界東

發佈留言

發佈留言必須填寫的電子郵件地址不會公開。 必填欄位標示為 *