「我地大家在獅子山下相遇上」相信無人未聽過，今次就帶大家由九龍東行到新界東，在獅子山中望老公👴
今次出發嘅地點係天馬苑🐴，我地新界出去響「天馬苑巴士站」落車🚌，亦可以搭地鐵🚄到樂富站行過黎🚶♂️，交通十分方便🆗！去到天馬苑商場，首先可以醫下肚🍛 (不過正值商場翻新無咩食，而我地又食飽先去)，仲有一間超市可以補給物資🍙🧃，最重要係有個靚靚廁所🚻可以清一清先出發💯
準備好就可以出發🆙首先左行右行行出去「竹園道」🌴，你就會見到對面有一條好長嘅樓梯😏証明你已經去到起點喇🎉
黎到回歸亭，又係勁多人😅因為呢度四通八達，可以接去畢架山、麥理浩徑第五段、獅子頭同埋望夫石，四方八面嘅人黎到都要抖抖，所以超級多人😜
總結：
🔹由竹園道開始直到回歸亭，基本上 95% 係上樓梯，要有準備比較辛苦💪
🔹回歸亭四通八達，可接麥徑、獅子頭、畢架山、望夫石，路線可以多變🔱
🔹過左回歸亭，去到望夫石都係山路，再落紅梅谷係石樓梯💡
🔹主要靚廁位🚻係天馬苑商場同紅梅谷燒烤區個公廁，路程唔太長應該無問題👌
🔹起點天馬苑可搭巴士或樂富站行過去都🉐
🔹終點紅梅谷可坐巴士離開，或行落山去大圍火車站都得，仲可以食埋野先走😘
🔹難度：⭐⭐ ( 5⭐為最難 )